काठमाडौं । राष्ट्रिय प्रजातन्त्र पार्टीका अध्यक्ष कमल थापाले पूर्वराष्ट्राध्यक्ष ज्ञानेन्द्र शाहको झापाबाट काठमाडौं आउने सवारी पास रद्द गरेर सरकारले निर्लज्जता प्रदर्शन गरेको आरोप लगाएका छन् ।
सामाजिक संजालमार्फत अध्यक्ष थापाले सर्वसाधारण नागरिक सरह लकडाउनको ईमान्दार पालना गर्दै सरकारी नीति नियम बमोजिम अनुमति लिएर घर फर्कन लाग्दा अवरोध गरिएको भन्दै आपत्ति जनाएका हुन् ।
पूर्वराजा शाह आज झापाबाट काठमाडौं आउनका लागि बिहीबार जिल्ला प्रशासन कार्यालय झापाबाट पास लिएकोमा पास दिएको केहीबेरमा रद्द गरिएको थियो ।
