कोरोना भाइरस कोभिड–१९ बाट विश्वभर संक्रमित हुनेको संख्या अमेरिकापछि ब्राजिलमा बढी देखिएको छ।
गत डिसेम्बरदेखि फैलिएको कोरोनाबाट सबैभन्दा बढी अमेरिका आक्रान्त बनेको छ । पछिल्लो समय अमेरिका पछि ब्राजिलमा संक्रमण तीव्र रुपमा फैलिएको हो।
एकैदिन ९ सय ६६ जनाको मृत्यु भएसंगै कुल मृत्यु हुनेको संख्या २१ हजार ४८ पुगेको छ ।
त्यस्तै, १९ हजार ९ सय ६९ मा एकैदिन संक्रमण देखिएसंगै संक्रमित हुनेको संख्या ३ लाख ३० हजार ८ सय ८९ पुगेको छ । १ लाख ७४ हजार ४ सय १२ जनाको विभिन्न अस्पतालमा उपचार भइरहेको छ भने १ लाख ३५ हजार ४ सय ३० जना संक्रमण मुक्त भएका छन् ।
