विश्वभरका विभिन्न देशबाट कोरोनाभाइरस कोभिड १९ संक्रमित एकै दिन ७७ हजारभन्दा बढी सफल उपचार पछि निको भएर घर फर्किएका छन् ।
हालसम्म २६ लाख ५९ हजार २ सय ५० जना संक्रमण मुक्त भएका छन् । करिव ५ महिनादेखि फैलिएको महामारीबाट अहिलेसम्म ६० लाख ३० हजार ४ सय ३५ जना संक्रमित भएको वर्ल्डोमिटर्सले जनाएको छ ।
पछिल्लो २४ घण्टामा १ लाख २२ हजार २ सय ४३ जना नयाँ संक्रमित थपिएका छन् । यस्तै एकैदिन ४ हजार ८ सय २५ जनाको मृत्युभएसंगै कुल मृत्यु हुनेको संख्या ३ लाख ६६ हजार ८ सय ९ जना पुगेको छ।
३० लाख ४ हजार ३ सय ७६ जनाको विभिन्न अस्पतालमा उपचार भइरहेको छ । उपचाररतमध्य ५३ हजार ७ सय ३५ जनाको अवस्था गम्भीर छ ।
कोरोनाबाट सबैभन्दा प्रभावित अमेरिकामा मृत्यु हुनेको संख्या १ लाख ४ हजार ५ सय नाघेको छ । १७ लाख ९३ हजार ५ सय ३० जना संक्रमित भएका छन् । जसमध्य ६ लाख १९ हजार ५ सय ६९ जना संक्रमण मुक्त भएका छन् ।
कोरोनाबाट युरोपियन मुलुकहरुमा १ लाख ७२ हजारभन्दा बढी, उत्तर अमेरिकी मुलुकहरुमा १ लाख २१ हजार ९ सय भन्दा बढी, एसियाली मुलुकहरुमा २९ हजार ६ सय भन्दा बढीको मृत्यु भएको छ ।
यस्तै, दक्षिण अमेरिकी मुलुकहरुमा ३८ हजार भन्दाबढी र अष्ट्रेलियासहित ओसिनियाका मुलुकहरुमा १२५ जनाको मृत्यु भएको छ ।
