चिनको वुहानबाट फैलिएको कोरोना भाइरसको महामारीले विश्वभर ६५ लाख ६८ हजारभन्दा बढी संक्रमित भएका छन् ।
पछिल्लो २४ घण्टामा १ लाख १३ हजार ३ सय ३३ जना नयाँ संक्रमित थपिएसंगै संक्रमितको कुल संख्या ६५ लाख ६८ हजार २ सय ३९ पुगेको छ ।
यस्तै एकैदिन ४ हजार ४ सय २८ जनाको मृत्यु भएसंगै कुल मृत्यु हुनेको संख्या ३ लाख ८७ हजार ९ सय ५७ पुगेको छ ।
संक्रमितमध्य ३१ लाख ६९ हजार २ सय ४३ जना उपचारपछि निको भएर घर फर्किएका छन् । ३० लाख ११ हजारबढीको उपचार भईरहेको छ भने ५४ हजार २ सय जनाको अवस्था गम्भीर रहेको वल्डोमिटर्सले जनाएको छ ।
कोरोनाबाट धेरै प्रभावित अमेरिकामा मृत्यु हुनेको संख्या १ लाख ९ हजार १ सय ४२ पुगेको छ भने १९ लाख १ हजार ७ सय ८३ जना संक्रमित छन् ।
यस्तै, युरोपियन मुलुकहरुमा १ लाख ७६ हजार ४ सय ४६ जना, उत्तर अमेरिकी मुलुकहरुमा १ लाख २९ हजार ९ सय २९ जना, एसियाली मुलुकहरुमा ३२ हजार ४ सय ६५ जना, दक्षिण अमेरिकी मुलुकहरुमा ४४ हजार २ सय ९३ जना, अफ्रिकी मुलुकहरुमा ४ हजार ६ सय २७ जना र अष्ट्रेलियासहित ओसिनियाका मुलुकहरुमा १ सय २४ जनाको मृत्यु भएको छ ।
