महामारीको रुपमा फैलिएको कोरोना भाइरसको संक्रमणबाट विश्वभरमृत्यु हुनेको संख्या ४ लाख नाघेको छ ।
पछिल्लो २४ घण्टामा ४ हजार १ सय ७७ जनाको मृत्यु भएसंगै मृतकको संख्या ४ लाख २ हजार ४७ पुगेको छ । यस्तै संक्रमित हुनेको संख्या ६९ लाख ७३ हजार नाघेको छ ।
पछिल्लो २४ घण्टामा १ लाख २६ हजार ७ सय १५ जना नयाँ संक्रमित थपिएसंगै कुल संक्रमितको संख्या ६९ लाख ७३ हजार २ सय ४३ पुगेको छ । संक्रमितमध्य ३१ लाख ६० हजार ९८ जनाको उपचार भइरहेको छ भने ५३ हजार ५सय ८६ जनाको अवस्था गम्भीर रहेको वल्डोमिटसंले जनाएको छ । ३४ लाख ११ हजार ९८ जना उपचारपछि निको भएर घर फर्किएका छन् ।
कोरोनाबाट सबैभन्दा प्रभावित अमेरिकामा मृत्यु हुनेको संख्या १ लाख १२ हजार ९६ पुगेको छ । १९ लाख ८८ हजार ५ सय ४४ जना संक्रमित भएका छन् ।
कोरोनाबाट युरोपियन मुलुकहरुमा १ लाख ७८ हजार ५८३ जना, उत्तर अमेरिकी मुलुकहरुमा १ लाख ३४ हजार ७३६ जना, एसियाली मुलुकहरुमा ३४ हजार ६३७ जना, दक्षिण अमेरिकी मुलुकहरुमा ४८ हजार ६३७ जना, अफ्रिकी मुलुकहरुमा ५ हजार ८२ जना र अष्ट्रेलियासहित ओसिनियाका मुलुकहरुमा १२४ जनाको मृत्यु भएको छ ।
