विश्वभर महामारीको रुपमा फैलिएको कोरोना भाइरसको संक्रमणबाट मृत्यु हुनेको संख्या ४ लाख ८ हजार नाघेको छ ।

वल्डोमिटर्सले प्रकाशित गरेको मंगलबार बिहानसम्मको तथ्यांक अनुसार अमेरिकामा सर्वाधिक १ लाख १३ हजार ५५ जनाको मृत्यु भएको छ। पछिल्लो २४ घण्टामा विश्वभर ३ हजार १ सय ५७ जनाको मृत्यु भएसंगै मृतकको संख्या ४ लाख ८ हजार २ सय ४० पुगेको छ ।

त्यस्तै, संक्रमित हुनेको संख्या ७१ लाख ८९ हजार नाघेको छ ।पछिल्लो २४ घण्टामा १ लाख ७ हजार २ सय ३७ जना नयाँ संक्रमित थपिएसंगै संक्रमितको संख्या ७१ लाख ८९ हजार ८ सय ३५ पुगेको छ । सक्रमित हुनेको संख्या अमेरिकामा सबैभन्दा बढी २०
लाख २६ हजार ४ सय ६० रहेको छ।

त्यस्तै, ब्राजिलमा ७ लाख १० हजार ८ सय ८७, रुसमा ४ लाख ७६ हजार ६ सय ५८, स्पेनमा २ लाख ८८ हजार ७ सय ७९, बेलायतमा २ लाख ७७ हजार ३ सय ९९ जनामा संक्रमण पुष्टि भएको छ।

संक्रमितमध्य ३५ लाख ३० हजार ७ सय ६६ जना उपचारपछि निको भएर घर फर्किएका छन् । ३२ लाख ५० हजाभन्दाबढीको उपचार भईरहेको छ भने ५३ हजार ७ सय ९८ जनाको अवस्था गम्भीर रहेको छ ।

यस्तै, नेपालमा ३ हजार ७ सय ६२ जनामा कोरोना संक्रमण पुष्टि भएको छ। संक्रमितमध्ये ४ सय ८८ जना उपचारपछि निको भइसकेका छन्। त्यस्तै १४ जनाको मृत्यु भएको छ।