काठमाडौं । विश्वभर महामारीको रुपमा फैलिएको कोरोना भाइरसबाट एक करोड ११ लाख ८९ हजार हजार ३ सय ८८ जना संक्रमित भएका छन् ।
संक्रमित मध्ये ५ लाख २९ हजार ६४ जनाको मृत्यु भएको छ ।यसैगरी, संक्रमितमध्ये ६२ लाख ९७ हजार २ सय २ जना उपचारपछि निको भएर घर फर्किएका छन् । वल्डोमिटरको तथ्याङ्क अनुसार अझैपनि विश्वभर ४३ लाख ६२ हजार भन्दाबढी मानिसहरु विभिन्न अस्पतालमा उपचार गराइरहेका छन् । उनीहरुमध्ये ४३ लाख ४ हजारको अवस्था सामान्य छ भने ५८ हजार ८ सय ३६ जनाको अवस्था गम्भिर रहेको छ ।
कोरोनाभाइरसकै कारण विश्वमा सबैभन्दा बढी अमेरिकामा सङ्क्रमित र मृत्यु भएका छन् । अमेरिकामा हालसम्म २८लाख ९० हजार बढी मानिसहरु संक्रमित भएका छन् भने १ लाख ३२ हजार बढीको मृत्यु भइसकेको छ । यस्तै, ब्राजिलमा ६३ हजार बढी, बेलायतमा ४४ हजार १ सय, इटलीमा ३४ हजार ८ सय , फ्रान्समा २९ हजार ८ सय, स्पेनमा २८ हजार ३ सय, मेक्सिकोमा २९ हजार ८ सय, भारतमा १८ हजार ६ सय र इरानमा १ज्ञ हजार २ सय बढीको मृत्यु भएको छ ।
