विश्वभर महामारीको रुपमा फैलिएको कोरोना भाइरस संक्रमितको संख्या १ करोड ४४ लाख २२ हजार ४ सय ६८ पुगेको छ ।

वर्ल्डोमिटरका अनुसार पछिल्लो २४ घण्टामा २२ लाख २४ हजार ६५ जना संक्रमित थपिएका छन् । पछिल्लो २४ घण्टामा ५ हजार ८ जनाको कोरोना संक्रमणबाटै मृत्यु भएसंगं मृत्यु ह्नेको संख्या ६ लाख ४ हजार ८ सय २३ जना पुगेको हो ।

हालसम्म संक्रमणमुक्त हुनेको संख्या ८६ लाख ११ हजार ६ सय ४७ पुगेको छ । संक्रमितमध्ये ५२ लाख ५ हजार ९ सय भन्दाबढीको विभिन्न अस्पतालमा उपचार भईरहेको छ भने ५९ हजार ९ सय बढीको अवस्था गम्भिर रहेको छ ।

कोरोनाबाट धेरै प्रभावित अमेरिकामा ३८ लाख ३३ हजार भन्दाबढी संक्रमित भएका छन् भने १ लाख ४२ हजार ८ सय भन्दा बढीको मृत्यु भएको छ ।

यस्तै, कोरोना भाइरसकै संक्रमणबाट युरोपियन मुलुकहरूमा १ लाख ९८ हजार ८८९ जना, उत्तर अमेरिकी मुलुकहरुमा १ लाख ९५ हजार ७७७ जना, एसियाली मुलुकहरूमा ७७८ हजार ४३० जना, दक्षिण अमेरिकी मुलुकहरूमा १ लाख १६ हजार ५७२ जना, अफ्रिकी मुलुकहरूमा १४ हजार ९९६ जना र अष्ट्रेलियासहित ओसिनियाका मुलुकहरुमा १४० जनाको मृत्यु भएको छ ।

यस्तै, ब्राजिलमा कोरोना भाइरसबाट सङ्क्रमित हुनेको संख्या २० लाख ७५ हजार २ सय ४६ पुगेको छ भने ७८ हजार ८ सय बढीको मृत्यु भएको छ ।