कोरोना भाइरसको संक्रमणका कारण विश्वमा ज्यान गुमाउनेको संख्या ६ लाख ३० हजार नाघेको छ ।

पछिल्लो २४ घण्टामा ७ हजार १ सय भन्दाबढीको कोरोना संक्रमणबाटै मृत्यु भएसंगै मृत्यु हुनेको संख्या ६ लाख ३० हजार २ सय ११ पुगेको वर्ल्डोमिटरले जनाएको छ ।

यस्तै पछिल्लो २४ घण्टामा २ लाख ७८ हजार ६ सयबढीमा संक्रमण देखिएसँगै विश्वभर संक्रमित हुनेको संख्या १ करोड ५३ लाख ७४ हजार ३ सय ९४ पुगेको छ ।

संक्रमितमध्ये ९३ लाख ४९ हजार ३ सय ७४ जना उपचारपछि निको भएर घर फर्किएका छन् । ५३ लाख ९४ हजार ८ सयभन्दाबढीको विभिन्न अस्पतालमा उपचार भइरहेको छ भने ६६ हजार २ सय ४० जनाको अवस्था गम्भिर रहेको छ ।

सबैभन्दा बढी प्रभावित अमेरिकामा संक्रमितको संख्या ४१ लाख ८ सय ७६ पुगेको छ । जसमध्ये १ लाख ४६ हजार १ सय ८३ जनाको मृत्यु भएको छ ।

यस्तै, ब्राजिलमा २२ लाख ३१ हजार ८ सय ७१ जना संक्रमित भएका छन् भने ८२ हजार ८ सयभन्दा बढीको मृत्यु भएको छ ।