काठमाडौं । विश्वका २ सय १६ देशमा फैलिएको कोरोना सङ्क्रमितमध्ये १ करोड ७० लाख भन्दाबढी उपचार पछि निको भएर घर फर्किएका छन् ।

महामारीको रुपमा फैलिएको कोरोनाबाट २ करोड ४६ लाख २४ हजार ९ सय भन्दाबढीमा सङ्क्रमण पुष्टि भएकामा १ करोड ७० लाख ९२ हजार ७ सय भन्दाबढी उपचार पछि निको भएर घर फर्किएका हुन् ।

यस्तै, कोरोनाका कारण मृत्यु हुनेको संख्या ८ लाख ३५ हजार ६ सय भन्दाबढी पुगेको वल्डोमिटरमा उल्लेख छ। पछिल्लो २४ घण्टामा ५ हजार ८ सयबढीको मृत्यु भएका छन् भने २ लाख ६२ हजार ७ सय भन्दाबढी कोरोना संक्रमण पुष्टि भएको छ ।

संक्रमितमध्ये ६६ लाख ९६ हजार ६ सयभन्दाबढी विभिन्न अस्पतालमा उपचाररत छन् भने ६१ हजार ४ सय बढीको अवस्था गम्भिर रहेको छ ।

यस्तै, कोरोनाबाट सबैभन्दा बढी प्रभावित अमेरिकामा ६० लाख ४६ हजार ६ सय भन्दाबढी सङ्क्रमित भएका छन् ।संक्रमितमध्ये ३३ लाख ४७ हजार ९ सय भन्दाबढी निको भएका छन् भने १ लाख ८४ हजार ७ सय भन्दा धेरैको ज्यान गएको छ ।

यस्तै, ब्राजिलमा कोरोना भाइरसबाट सङ्क्रमित हुनेको संख्या ३७ लाख ६४ हजार ४ सय ९३ पुगेको छ भने १ लाख १८ हजार ७ सय बढीको मृत्यु भएको छ । संक्रमितमध्ये २९ लाख ४७ हजार २ सय भन्दा बढी निको भएका छन् ।

यसैगरी छिमेकी मुलुक भारतमा कोरोना संक्रमितको संख्या ३३ लाख ८४ हजार ५ सय ७५ पुगेको छ । कोरोनाका कारण मृत्यु हुनेको संख्या ६१ हजार ६ सय नाघेको छ ।

संक्रमितमध्ये २५ लाख ८३ हजार भन्दा धेरै निको भएका छन् भने ७ लाख ४९ हजार ८ सयबढीको उपचार भइरहेको छ ।