काठमाठौं । नेपाली कांग्रेसले स्थानीय तहको निर्वाचनलाई लक्षित गरी सुदूर पश्चिमबाट आफ्नो चुनावी अभियान थालनी गरेको छ । कैलालीको अत्तरीयामा आयोजित विशाल आमसभामा हजारौंको संख्यामा सर्वसाधारणको उपस्थिति रहेको थियो । चर्को घाममा पनि केन्द्रीय नेताको भाषण सुन्नका लागि हजारौंको संख्यामा कांग्रेसको झण्डा फहराउँदै दिनभरी बसेका थिए । उक्त सभालाई नेपाली कांग्रेसका सभापति शेर बहादुर देउवा, वरिष्ठ नेता रामचन्द्र पौडेल, महामन्त्री सशांक कोइराला लगायतका केन्द्रीय नेताहरुको बाक्लो उपस्थिति रहेको थियो ।
आमसभालाई सम्बोधन गर्दै नेपाली कांग्रेसका सभापति शेर बहादुर देउवाले स्थानीय तहको निर्वाचनमा नेपाली कांग्रेस पहिलो पार्टी बन्ने दाबी गरेका छन् । उनले जित्नेलाई टिकट दिने र सबैको उचित सम्मान गरिने पनि बताए । एक फरक प्रशंगमा उनले एमाले अध्यक्ष केपी शार्मा ओलीप्रति लक्षित गर्दै भने उखान टुक्काले देश चल्ने भए सबै कालकारहरुले देश हाक्थे भने । देश सहमति र सबैको सहभागितामा चल्छ ।
सभालाई सम्बोधन गर्दै वरिष्ठ नेता रामचन्द्र पौडेलले नेपाली कांग्रेस निर्वाचनमा पहिलो पार्टी बन्नेछ । यसका लागि सबैले आफ्नो आफ्नो स्वार्थ त्याग्नु पर्ने बताए । स्थानीय तह निर्वाचन परिचालन समितिका संयोजक रहेका पौडेले कांग्रेसले मात्र देशको समस्या समाधान गर्न सक्ने भएकाले कांग्रेसलाई साथनीय तहको निर्वाचनका जिताउन आग्रह गर्नु भएको थियो ।
कांग्रेसका महामन्त्री सशांक कोइरालाले कांग्रेसलाई जिताउनका लागि सबैको सहभागिता आवश्यक भएकाले सबैले स्वार्थ त्यागेर कांग्रेसको झण्डामुनि आएर काम गर्न आग्रह गर्नु भयो ।
भौतिक योजना मन्त्री तथा प्रचार प्रसार समितिका संयोजक रमेश लेखकले सुदूर पश्चिम कांग्रेसको पकड भएकाले अधिकांश स्थानीय तहमा कांग्रेसले जित्ने दाबी गरे । हामी यहाँ धेरै बलियो छौ । यसकारण हाम्रो जित सुनिश्चित छ, लेखकले भने ।
उक्त आमसभामा नेता कृष्ण सिटौला, एन पी साउद लगायतका नेताहरुले सम्बोधन गरको थिए ।
