बोष्टन । अमेरिकी राष्ट्रपति जो वाइडेनले ५ सय मिलियन फाइजरसँग कोरोना भाइरसको खोप किन्ने बताएका छन् ।
जि सेभेनको बैंठकमा राष्ट्रपति जो वाइडेनले सो खोप कम आय भएका देश र अफ्रिकी संघलाई लाई दिने जनाएका हुन् ।
खरिद गरिने मध्ये २ सय मिलियन यस वर्ष र बाँकी अर्को वर्षको पहिलो छ महिनामा दिइने छ। यसरी खरिद गरिएको खोप कोभ्याक्सको माध्यमबाट वितरित हुनेछ ।
कोभ्याक्स विश्व स्वास्थ्य संगठनद्वारा संचालित एक मानवीय कार्यक्रमको हो जसको उद्देश्य खोपहरू निष्पक्ष रूपमा वितरण गर्नु हो ।
कोभक्सले २०२१ को अन्त्यसम्म खाँचोमा परेका देशहरुलाई २ अरब डोज उपलब्ध लक्ष्य राखेको छ।कोभ्याक्सले हालसम्म करिब ८१ मिलियन खोप १ सय २९ भन्दा बढी राष्ट्रहरूमा पठाइसकेको छ।
अमेरिकी राष्ट्रिय सुरक्षा सल्लाहकार जेक सुलिभानले बुधवार दिउँसो राष्ट्रपतिसँग यात्रा गरिरहेका पत्रकारहरुलाई भने कि वाइडेनले जी ७ सम्मेलनमा सहभागि अन्य राष्ट्रलाई समेत भ्याक्सिन सहयोगको आव्हान गर्ने जनाए ।
