काठमाडौं । केकी अधिकारीले निर्माण गरेको चलचित्र ‘कोहलपुर एक्सप्रेस’को काउ गीत सार्वजनिक भएको छ ।
‘सी ओ डब्लु काउ’ बोलको गीत सार्वजनिक गर्दै चलचित्रको प्रमोसन ‘कोहलपुर एक्सप्रेस’ले गरेको छ । गीतमा राजनराज सिवाकोटी र मेलिना राइको स्वर, राजनकै शब्द तथा संगीत रहेको छ ।
गीतको भिडियोमा रीमा विश्वकर्माका साथै गम्भिर बिष्ट, केकी अधिकारी र विनोद न्यौपानेलगायतलाइ देख्न सकिन्छ । चलचित्रमा प्रियंका कार्की, केकी अधिकारी, ऋचा शर्मा, विनोद न्यौपाने, वुद्धि तामाङ, रविन्द्र झा, कुशाग्र भट्टराईलगायतका कलाकारको मुख्य भूमिका छ ।
विशाल भण्डारीले निर्देशन गरेको चलचित्रमा लोकेश बज्रचार्यको सम्पादन, अर्जुन तिवारीको छायांकन छ । यो भिडियोको कोरियोग्राफी गम्भिर बिष्टले गरेका छन् ।
