काठमाडौं । बारामा जनता समाजवादी पाटी (जसपा)का कार्यकर्ताहरुले जनमत पार्टीका अध्यक्ष चन्द्रकान्त (सिके) राउतलाई काट्ने धम्की दिएपछि खैलाबैला मच्चिएको छ । उपनिर्वाचनका क्रममा बारा क्षेत्र नम्बर २ का विभिन्न मतदान केन्द्रमा बुथ कब्जा गरेको र आफूलाई काट्ने धम्की दिएको राउतले बताएका हुन् ।
बारा क्षेत्र नम्बर २ मा उपनिर्वाचन भएका केही मतदान केन्द्रमा आफू पुगेको बताउँदै उनले ४–५ वटा मतदान केन्द्रमा जसपाले बुथ कब्जा गरेको आरोप उनले लगाए ।
त्यस्तै बुथ कब्जा गर्ने कार्यमा प्रहरी प्रशासनको पनि मिलोमतो रहेको उनले दाबी गरे । ‘ बुथ कब्जा गर्ने कार्यमा प्रहरीको पनि मिलेमतो रहेको देखिन्छ । अर्को कुरा जसपाका कार्यकर्ताले काट्ने धम्कीसमेत दिएका छन् ,’ राउतले भने ।
