काठमाडौं । पूर्वमन्त्री तथा नेकपा एमालेका सचिव टोपबहादुर रायमाझीका छोरा सन्दीपलाई जिल्ला अदालत काठमाडौँले ३ दिन हिरासतमा राखेर अनुसन्धान गर्न अनुमति दिएको छ ।
प्रहरीले सन्दीपलाई बिहीबार अदालतमा उपस्थित गराएर ३ दिनको म्याद दिएको हो । प्रहरीले सन्दीपलाई बुधबार बुटवलबाट नेपालीलाई भुटानी नागरिक बनाएर अमेरिका पठाउने कार्यमा संलग्न रहेको आरोपमा पक्राउ गरेको थियो ।
बिहीबार बिहान हवाई जहाजबाट काठमाडौँ ल्याइएसँगै प्रहरीले उनलाई म्याद लिनका लागि अदालतमा उपस्थित गराएको थियो ।
तयस्तै,नक्कली डकुमेन्टका आधारमा भुटानी शरणार्थी बनाएर अमेरिका पठाउने काममा जोडिएको भन्दै सचिव रायमाझीविरुद्ध बुधबार वारेन्ट जारी भएको थियो । उनलाई पनि प्रहरीले बिहीबार भैरहवाबाट पक्राउ समेत गरिसकेको छ ।
