जनकपुरधाम । मधेस प्रदेशका मुख्यमन्त्री सरोज कुमार यादवले विश्वासको मत प्राप्त गरेका छन् ।
आज मंगलबार बसेको प्रदेशसभामा उपस्थित भएका १०३ सांसदको समर्थनसहित मुख्यमन्त्री यादवले विश्वासको मत पाएका हुन् भने विपक्षमा शून्य मत खसेको थियो ।
जेठ १ गते सरकारबाट बाहिरिएको एमालेले सर्मथन फिर्ता लिएको थियो । सोही कारण २९ दिनपछि मुख्यमन्त्री यादवले विश्वासको मत लिने प्रस्ताव मंगलबार प्रदेश सभामा पेस गरेका थिए । उनले आफ्नो कार्यकालमा दोस्रोपटक विश्वासका मत लिएका छन् ।
त्यस्तै, बैठकमा नागरिक उन्मुक्ति पार्टीकी सांसद उर्मिला देवी सिंह र स्वतन्त्र सांसद केशव राय अनुपस्थित थिए ।
