काठमाडौं । प्रधानमन्त्री तथा अध्यक्ष केपी शर्मा ओलीको स्वास्थ्यको कारण एक महिनादेखि बस्न नसकेको सचिवालयको बैठक मंसिर ६ गते बस्ने जनाइएको छ । बैठकमा सरकारको कार्यशैली, संगठन निर्माण तथा पार्टी एकिरणको बारेमा गम्भिर छलफल हुने जनाएको छ ।
आजभोलिलाई दिएको जानकारी अनुसार विशेष गरी प्रधामन्त्री तथा अध्यक्ष ओलीले पछिल्लो समयमा गरेका एकलौटी निर्णय, नियुक्ति तथा सिफारिसका बारेमा माधव कुमार नेपाल पक्षले असहमतिसहितको धारणा राख्ने जनाएको छ । राजदूत सिफारिस, सरकारी निकायमा नियुक्ति तथा पार्टी भित्रको एकलौटीपनको बारेमा गम्भिर छलफल हुने जनाइएको छ ।
प्रदेश कमिटीको पूर्णता, जिल्ला कमिटीको गठन, जनसङ्गठनको एकता, स्थायी समिति बैठकको मिति तथा कार्यसूची र पार्टी, संसद् तथा सरकारको समीक्षा, केन्द्रीय कार्यालयको व्यवस्थापनलगायत विषयमा छलफल गर्न सत्तारुढ दल नेकपाको बैठक बस्न लागेको हो ।
लामो समयदेखि पार्टी र सरकारबीच सहकार्य तथा समन्वय हुने सकेको छैन । पार्टी भित्र प्रधानमन्त्री एकलौटी रुपमा अघि बढेको आरोप लग्दै आइरहेको छ । साथै पार्टीलाई गुमराहमा राखेको आरोप समेत लागेको छ । पार्टीका स्थायी समिति, पोलिटब्यूरो तथा अन्य निकायको बैठक बस्न सकेको छैन । जसको कारण पार्टी एकिकरण जहाँको त्यही रोकिएको जनाइएको छ ।
