काठमाडौं । नेपाल नागरिक उड्डयन प्राधिकरण (क्यान)का महानिर्देशक प्रदीप अधिकारीले स्पष्टीकरण पेश गरेका छन् ।
यही असार १२ गते उनलाई संस्कृति, पर्यटन तथा नागरिक उड्डयनमन्त्री सुदन किरातीले सात दिनको स्पष्टीकरण सोधेका थिए । तर, सामाजिक सञ्जालमा मन्त्री किरातीले गोप्य कुरा सार्वजनिक गरेको भन्दै महानिर्देशक अधिकारीले स्पष्टीकरण दिन अटेरी गरेका थिए ।
मन्त्री किरातीले बिहीबार पुनः उनलाई तीनदिने स्पष्टीकरण सोधेका थिए । स्पष्टीकरण नदिनुको कारण स्पष्ट रुपमा उल्लेख गरेर तीन दिनभित्र जवाफ दिन आग्रह गरिएको थियो ।
महानिर्देशक अधिकारीले अन्तिम दिन आज स्पष्टीकरण बुझाएको स्रोतले जनाएको छ ।
