काठमाडौं । सुदूरपश्चिमको कञ्चनपुर जिल्लामा कारसहित अवैध रुपमा ल्याइरहेको साढे ९ लाख बराबरको सामान प्रहरीले बरामद गरेको छ ।
प्रहरीका अनुसार भिमदत्त नगरपालिका–४ बाट बिहीबार अवैध रुपमा भन्सार छली गरी ल्याइरहेको अवस्थामा विभिन्न मोवाईलका कभर, मोवाईल चार्जर केबल, स्टेसनरीका सामानसहित कार नियन्त्रणमा लिइएको हो । प्रहरीले चालकको परिचय भने खुलाएको छैन ।
कारमा बोकेर ल्याइरहेको अवस्थामा ९ लाख ४० हजार बराबरको सामान बरामद गरेर आवश्यक कारवाहीका लागि भन्सार कार्यालय गड्डाचौकी बुझाइएको जिल्ला प्रहरी कार्यालयकाले जानकारी दिएको छ ।
