काठमाडौं । ललिता निवास जग्गा प्रकरणमा पक्राउ परेका दुई जना रिहा भएका छन् ।
आज समरजंग कम्पनीका तत्कालीन प्रमुख रमेशकुमार पोखरेल र सिद्धिका खेतानलाई रिहा गरिएको प्रहरीको केन्द्रीय अनुसन्धान ब्युरो (सीआईबी) ले जनाएको छ ।
पोखरेलको स्वास्थ्य अवस्थाको कारण देखाउँदै जिल्ला अदालत काठमाडौंले हाजिर जमानीमा छाड्न आदेश दिएको स्रोतले बतायो ।
खेतानले भने आफ्नो नाममा भएको करिब ७ आना जग्गा फिर्ता गर्ने बताएपछि छाडिएको हो । ‘उनको नाममा रहेको करिब ७ आना जग्गा फिर्ता गर्छौं भनेपछि छाडिएको हो,’ स्रोतले भन्यो ।
दुई जना छुटेसँगै अब सीआईबीको हिरासतमा २० जना बाँकी छन् ।
