काठमाडौं । धनगढीमा गर्भपतनको औषधी खाँदा एक महिलाको ज्यान गएको छ ।

महिलाको ज्यान गएपछि आफन्त र स्थानियहरुले जिल्ला प्रहरी कार्यालय घेराउ गरेका छन् । धनगढी उपमहानगरपालिकास्थित मेरी स्टोप सामुदायिक क्लिनिकमा गर्भपतन गराउन गएकी धनगढी उपमहानगरपालिका–१२ जुगेडाकी ३५ वर्षीया महिलाको ज्यान गएको हो ।

उक्त महिला हिजो बिहीबार बिहान गर्भपतन गराउन क्लिनिक पुगेकी थिइन् । क्लिनिकले दिएको औषधी सेवनपछि उच्च रक्तस्राव हुन गई महिलालाई सेती अस्पताल लगिएको थियो । त्यहाँ उनको उपचारकै क्रममा मृत्यु भएको प्रहरीले जनाएको छ ।

घटनापछि क्लिनिक सञ्चालक गोदावरी नगरपालिका–२ का २५ वर्षीय विनोद जोशीलाई अनुसन्धानको लागि प्रहरीले नियन्त्रणमा लिएको प्रहरीले जनाएको छ भने एकजना फरार रहेको बताइएको छ ।

क्लिनिक सञ्चालक विरुद्ध जाहेरी दर्ता भएको र फरार रहेका अर्का एक जनाको पनि खोजी भइरहेको प्रहरीले जनाएको छ ।