काठमाडौं । ललिता निवासको जग्गा हिनामिना प्रकरणमा पक्राउ परेका १७ जनालाई धरोटीमा छोड्न का्ठमाडौं जिल्ला अदालतले आदेश दिएको छ । आइतबार जिल्ला न्यायाधीश भोलानाथ ढकालको एकल इजलासले यस्तो आदेश दिएको हो ।
अदालतले केशव तुलाधरलाई साधारण तारेखमा रिहा गर्न आदेश दिएको छ भने शिवजी भट्टसँग ३ लाख ३० हजार धरौटी माग गरेको छ । त्यस्तै रुद्र कुमार श्रेष्ठसँग ७ लाख ५० हजार, बालकृष्ण श्रेष्ठसँग ७ लाख ५० हजार, कलाधर देउजासँग १५ लाख, लोकरि घिमिरेसँग ७ लाख ५० हजार, घमन कुमार कार्कीसँग ७ लाख ५० हजार र गोपाल कार्कीसँग ७ लाख ५० हजार धरौटी माग गरेको छ ।
अदालतले विनोद पौडेलसँग १५ लाख, योगराज पौडेलसँग ७ लाख ५० हजार, नारायणराज मिश्रसँग ७ लाख ५० हजार, अरुण कुमार श्रेष्ठसँग ७ लाख ५० हजार, ध्रुव प्रसाद अर्यालसँग ३ लाख ३० हजार, बाबुराजा महर्जनसँग १ लख १० हजार, देवनारायण महर्जनसँग १ लाख १० हजार, सकलानन्द महर्जनसँग १ लाख १० हजार, सञ्जय कुमार महर्जनसँग १ लाख १० हजार धरौटी माग गरेको छ ।
जिल्ला अदालतले भाटभटेनी सुपर मार्केटका सञ्चालक मीनबहादुर गुरुङसहितका आरोपितहरुलाई छोड्न आदेश दिएको हो । अदालतले गुरुङसँग मात्रै २ करोड ४६ लाख रुपैयाँ धरौटी माग गरेको छ ।
