इजरायलबाट नेपाल फर्कन इच्छुक नेपाली विद्यार्थीको सम्पूर्ण खर्च व्यहोर्न नेपाल सरकारसँग माग

आजभोलि

काठमाडौं । फोर एच नेपालले नेपाल फर्कन इच्छुक नेपाली विद्यार्थीको सम्पूर्ण खर्च व्यहोर्न नेपाल सरकारसँग माग गरेको छ ।

आज सोमवार फोर एच नेपालले एक वक्तव्य जारी गर्दै इजरायलमा रहेका स्वदेश फर्कन इच्छुक नेपाली विद्यार्थीको स्वदेश फर्कन लाग्ने सम्पूर्ण खर्च व्यहोर्न माग गरेको हो । साथै मृतक नेपाली विद्यार्थी शव नेपाल ल्याउन तत्काल पहल गर्न नेपाल सरकासँग अनुरोध समेत गरेको छ ।

फोर एच नेपालका अध्यक्ष लोकराज अवस्थीद्वारा हस्ताक्षरित उक्त वक्तव्य भनिएकोछ,“इजरायलको द्वन्द्वग्रस्त दक्षिण क्षेत्र सेदोत नेगेभको किवुज अलुमिनमा हमासको आक्रमणमा परी घाइते भएका, वेपत्ता रहेका तथा बंकर भित्र बस्न बाध्य भएकाहरु उद्धार कार्यका लागि नेपाल सरकार तथा इजरायल सरकारको ध्यानाकर्षण गराइएको छ ।”

तयस्तै, जारी वक्तव्यमा इजरायलमा रहेका नेपालीको जीवन रक्षा तथा स्वदेश फिर्ताको लागि पहल गरिदिन आप्रवास सम्बन्धी संगठन (आइओएम) अन्तर्राष्ट्रिय रेडक्रस समिति, संयुक्त राष्ट्र संघ तथा अन्तर्राष्ट्रिय मानव अधिकारवादी संघ संस्थाहरुको गम्भिर ध्यानाकर्षण गराउँदै अनुरोध गरेको छ ।

वक्तव्यमा भनिएकोछ, इजरायलस्थित नेपाली राजदूतावास, परराष्ट्र मन्त्रालय तथा नेपाल सरकारलाई मृतक नेपालीको शव स्वदेश ल्याउन, घाइतेको उपचारको व्यवस्था गर्न, वेपत्ता भएकाको खोजी कार्य गरी बंकरभित्र कष्टकर जीवन बिताई रहेका नेपाली तत्काल सुरक्षित स्थानमा स्थान्तरण गर्न इजरायल सरकार तथा अन्तर्राष्ट्रियस्तरमा उच्च तहको प्रभावकारी वार्ता तथा समन्वयका लागि माग गरिएको छ ।

साथै, इजरायलमा रहेका नेपालीको अवस्था तत्काल सार्वजनिक गर्न पनि माग गरिएको छ । हाल त्रिभुवन विश्वविद्यालय, कृषि तथा वन विश्वद्यिालय, रसुदूरपश्चिम विश्वविद्यालयबाट कृषि अध्ययनरत नेपाली विद्यार्थीका लागि इजरायल सरकारसँग भएको सम्झौता अन्तरगत कृषि कामसँगै अध्ययन कार्यक्रमका लागि नेपाली विद्यार्थी पठाउँदा द्वन्द्वग्रस्त क्षेत्रमा नपठाउन वक्तव्यमा उल्लेख गरिएको छ ।

हमासद्वारा इजरायलमाथि भएको आक्रमण भत्सर्ना गर्दै वार्ताको माध्यमबाट समस्याको समाधान गर्न सबै पक्षसँग फोर एच नेपालले अपिल गरेको छ ।

इजरायलमा अहिलेसम्म कम्तिमा ७०० जनाको मृत्यु भएको छ भने कयौ संख्यामा घाइते भएका छन् ।

No description available.

  • २२ आश्विन २०८०, सोमबार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. पाटेबाघलाई नियन्त्रणमा लिइयो
  • ३. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ४. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • ५. कैलालीमा फरार प्रतिवादी मनहेराबाट पक्राउ
  • ६. बझाङको यस्तो ठाउँ जहाँ १५ किलोमिटरकै पनि ५५० रूपैयाँ भाडा
  • ७. बझाङको त्यो ठाउँ जहाँ विभेद अन्त्य गर्न गाउँको नाम परिवर्तन गरियो  
  • ८. गिरिजा-प्रचण्डले अर्ज्याको गणतन्त्रमा ओलीराज !
  • ९. ब्राउन सुगरसहित तीन जना पक्राउ
  • १०. सरिता गिरीको दाबी, मधेश अलग राष्ट्र हो !