भूकम्पले ध्वस्त बनाएको काठमाडौंको जमलस्थित दरबार हाइस्कुलको मुख्य भवनको निर्माण कार्य सम्पन्न गरिएको छ ।
चीन सरकारको आर्थिक तथा प्राविधिक सहयोगमा निर्माण गरिएको भवनको मुख्य भवनको शुक्रबार एक कार्यक्रमका बीच चीनका लागि नेपाली राजदुत हउ यान्छी र राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले संयुक्त
रुपमा उद्घाटन गरेका थिए ।
भूकम्पले ध्वस्त बनाएको दरबार हाईस्कुलको मुख्य भवनको निर्माण कार्य १० महिना भित्रै सम्पन्न गरिएको हो । ४६ कोठा रहेको चार तले भवनको फिनिसिङको काम भने ४ महिना भित्र सम्पन्न गर्ने चीनको एससीजी कम्पनीले लक्ष्य लिएको छ ।
२० महिना भित्र निर्माण कार्य सम्पन्न गर्ने गरी २०७५ साल साउन १८ गतेदेखि दरबार हाईस्कुलको निर्माण कार्य सुरु गरिएका थियो । तर तोकिएको समयभन्दा अघि नै मुख्य भवनको निर्माण कार्य सम्पन्न भएको हो ।
कार्यक्रममा नेपालका लागि चीनका राजदुत यान्छीले चीन सरकारले नेपालको भूकम्पपछिको पुनर्निर्माणको कामलाई उच्च महत्वका साथ अघि बढाएको जानकारी दिए ।
