भारतको गुजरातस्थित कोचिङ कक्षा चलिरहेको भवनमा आगलागी हुँदा १८ बालबालिकाको मृत्यु भएको छ ।

ज्यान बचाउन भवनको तेस्रो तथा चौथो तलाबाट हाम फाल्ने क्रममा उनीहरुको ज्यान गएको बताइएको छ । उक्त घटनामा कयौं घाइते भएका छन् । घाइतेको स्थानीय अस्तालमा उपचार भइरहेको छ ।

गुजरातका मुख्यमन्त्री विजय रूपाणीले आगलगाीको कारण पत्ता लगाउन सुरक्षा निकायलाई निर्देशन दिएका छन् । त्यस्तै गुजरात सरकारले मृतकका परिवारलाई प्रति व्यक्ति चार लाख भारु दिने घोषणा गरेको छ ।

तक्षशिला कम्प्लेक्सको तेस्रो र चौथो तलामा आगो लागेको हो । घटनालाई लिएर प्रधानमन्त्री नरेन्द्र मोदीले दुःख व्यक्त गरेका छन् ।

उनले ट्विट गर्दै प्रभावितहरुको उद्धार तथा सहयोगको लागि गुजरात सरकार र स्थानीय प्रशासनलाई निर्देशन दिएको जनाएका छन् ।