गायक प्रकाश सपुतले ‘गलबन्दी ’ बोलको नयाँ गीत सार्वजनिक गरेका छन् ।
उनले शनिवार राति आफ्नै युट्युब च्यानलमार्फत नयाँ गीत सार्वजनिक गरेका हुन् ।
गायक प्रकाश गत वर्ष गीत ‘बोल माया’सँग सार्वजनिक गरेर सारा नेपालीलाइ भाबुक बनाएका थिए भने यहि गीत बाट अञ्जली र शान्तिको चर्चा समेत चुकिएको थियो ।
गीतमा मौलिक र निकै उत्कृष्ट रुपमा माया प्रेमलाइ बिषय बनाइएको छ । गीतमा प्रकाश सपुत र शान्तिश्री परियारको स्वर रहेको छ भने लय तथा शब्द प्रकाश स्वयं कै रहेको छ ।
श्यामश्वेत रसाइलीको मिक्सिङ रहेको गीतमा प्रकाश सपुत र अञ्जली अधिकारीको फिचरिङ रहेको छ । प्रकाश स्वयंले निर्देशन गरेका गीतमा सहनिर्देशन देवेन्द्र बब्लुको रहेको छ । भिडियोलाई छायांकन करन चैसिरले गरेका छन्।
गीतलाई रेमिट्यान्स कम्पनी ‘सिटि एक्सप्रेस मनि ट्रान्सफर’ले भिडियो निर्माणमा सहयोग गरेको छ।
