धरान उपमहानगरपालिक–५, साउनेटारमा वित्तिय संस्थाका कर्मचारीमाथि गोली प्रहार भएको छ ।

जीवन विकास लघुवित्तका कर्मचारी शम्भु गच्छादारमाथि गोली प्रहार भएको हो । गोली प्रहारपछि गच्छदारसँग भएको ४ लाख नगद लुटिएको छ ।

मोरङको केराबारी गाउँपालिकास्थित याङशिलाको लामिछाने टारबाट कर्जा रकम उठाएर फर्कने क्रममा गच्छदारलाई ३ जनाको समूहले गोली प्रहार गरेको बताइएको छ ।

तीन जनाको समूहमा मोटरसाइकलमा आएका लुटेराले प्रहार गरेको गोली गच्छदारको बायाँ कम्मरमा लागेको संघीय प्रहरी कार्यालय धरानका प्रमुख एसएसपी शरद खत्रीले जानकारी दिनुभयो ।

देब्रे पाखुरा र पेटमा गोली लागेका गच्छदारको बिपी कोइराला स्वास्थ्य विज्ञान प्रतिष्ठान धरानमा उपचार भइरहेको छ ।

जिल्ला प्रहरी कार्यलय सुनसरीका एसपी राजन अधिकारीले घटनाको पुष्टि गरेका छन् । घटना पछी धरानको सुरक्षा व्यवस्था कडा बनाइएको छ । धरान प्रदेश गर्ने चारैतिरको नाकामा प्रहरीले चेकपोइन्ट थापेको छ ।