नेपाली कांग्रेसका सभापति शेरबहादुर देउवाले वाइडबडी खरिद र बालुवाटार जग्गा प्रकरणबारे सुक्ष्म अनुसन्धान गर्न अख्तियार दुरुपयोग अनुसन्धान आयोगसँग आग्रह गरेका छन् ।
नेपाल प्रेस युनियन रुपन्देहीले आइतबार भैरहवा विमानस्थलमा आयोजना गरेको पत्रकार सम्मेलनमा बोल्दै सभापति देउवाले वाइडबडी खरिद र बालुवाटार काण्डमा ठूलो घोटाला भएको भन्दै अख्तियारले छानबिन गरी सार्वजनिक गर्नुपर्ने बताऐ ।
वाइडबडी खरिद प्रकरण र बालुवाटार जग्गा काण्डमा आफनो संलग्नता नभएको भन्दै उनले दोषी देखिए कारबाही भोग्न तयार रहेको बताए । उनले निरंकुशतातर्फ पाइला चालेको ओली सरकारलाई राणा र राजालाई जस्तै नागरिकले परास्त गर्ने बताए ।
उनले कांग्रेसले गठन गरेको छायाँ सरकारले ओली नेतृत्वको सरकारले गर्ने हरेक गल्ती र कमजोरीको एक–एक हिसाब किताब राख्ने पनि बताए ।
