चीनको दक्षिण पश्चिमी प्रान्त गुशाउमा पहिरो जाँदा १५ जनाको मृत्यु भएको छ ।

स्थानीय अधिकारीका अनुसार बिहीबार बिहान पहिरोमा परी ज्यान गुमाएका १५ जनाको शव भेटिएको समाचार संस्था सिन्ह्वाले उल्लेख गरेको छ । ११ जनाको उद्धार गरिएको र अझै कम्तिमा ३० जना बेपत्ता रहेको जनाइएको छ ।

स्थानीय समय अनुसार मंगलबार राति पहिरो जाँदा शुइचेङ्ग काउन्टिका २१ घर पुरिएको थियो । पहिरो गएका बेला सो क्षेत्रमा ५० जना भन्दा बढीको बसोबास रहेको उद्धारकर्मीले बताएका छन् । उद्धारकार्य अझै पनि जारी रहेको जनाइएको छ ।