साउदी अरबमा एउटा यात्रुबाहक बस लोडरसँग ठोक्किदा बसमा रहेका ३५ जनाको मृत्यु भएको छ ।
मदिना प्रान्तमाको अल–अखल क्षेत्रमा गएराति बस लोडरसँग ठोक्किदा बसमा रहेका ३५ जनाको मृत्यु भएको प्रहरीले जनाएको छ ।

ठोक्किएपछि बसमा आगो लागेको थियो । मृत्यु हुनेहरुमा धेरैजसो एसियाली र अरब मूलका नागरिक छन् । दुर्घटनामा परि ४ जना घाईते भएका छन् । घाइतेहरुलाई अल हमना अस्पतालमा भर्ना गरिएको छ ।

दुर्घटना मदिना सहरबाट १७० किमी टाढा हिर्जा सडकमा भएको थियो । यद्यपि कुन देशका नागरिकहरु परे भन्ने बारेमा प्रहरीले खुलाएको छैन ।

मृत्युको संख्या बढ्न सक्ने प्रहरी अधिकारीहरुले जनाएका छन् । घटनाका सम्बन्धमा अनुसन्धान भइरहेको जनाइएको छ ।