ललितपुर । स्थानीय तहको निर्वाचनको मुखैमा आएर ललितपुरमा नेपाली कांग्रेसमा प्रवेश गर्नेको लर्को लागेको छ । नेकपा एमाले। माओवादी केन्द्र तथा अन्य पार्टी जिल्ला स्तरीय नेताहरु नेपाली कांग्रेसमा प्रवेश गरेका छन् । उनीहरुले नेपाली कांग्रेसले मात्र जिल्लाको विकास गर्न सक्ने भन्दै पार्टीको सदस्यता लिएको बताएका छन् ।

ललितपुरमा पुष्परत्न शाक्यको नेतृत्वमा ५० जना भन्दा बढि व्यक्तित्व नेपाली काँग्रेसमा प्रवेश गरेका छन् । नेपाली काँग्रेस ललितपुरका सभापति एवम् सांसद मदनबहादुर अमात्यले उनीहरुलाइ नेपाली काँग्रेसमा प्रवेश गराएका हुन् । पार्टीमा प्रवेश गर्नेहरुलाइ सम्वोधन गर्दै सभापति अमात्यले कम्युनिस्ट विचारले मुलुकलाई समृद्धि तर्फ उन्मुख गराउन नसक्ने उल्लेख गर्दै पार्टीमा सबैलाइ खुला हृदयले स्वागत तत्पर रहेको वताए ।

पुष्परत्न शाक्यले नेपाली काँग्रेस नै राष्ट्रको अग्रणी पार्टी भएको र नेपाली काँग्रेसको अग्रसरतामा मात्रै मुलुक समृद्ध नेपाल बन्न सक्ने भएकाले आफूहरु पार्टीमा समाहित हुन चाहेको वताए । नेपाली काँग्रेस ललितपुर महानगरपालिका वडा नं ५ का सभापति सानुलाल श्रेष्ठले उहाँहरुको सक्रियताले नेपाली काँग्रेसलाई अझ सशक्त वनाउन सहज हुने वताए ।