काठमाडौ । बैशाख ३१ मा हुनलागेको स्थानीय चुनाबमा ३४ जिल्लाका स्थानीय निकायको निर्वाचनमा,आयोगले उम्मेदवारहरुको अन्तिम नामावली आज प्रकाशन गर्दैछ । निर्वाचन आयोगको कार्यसूची अनुसार शुक्रबार बिहान १० बजेदेखि ११ बजेसम्म उम्मेदवारको अन्तिम नामावली प्रकाशन गरिसकिनेछ । त्यस्तै आजै बिहान ११ बजेदेखि ५ बजेसम्म उम्मेदवारलाई निर्वाचन चिन्ह पनि प्रदान गरिनेछ ।

स्थानीय तहको निर्वाचन अन्तर्गत पहिलो चरणका लागी ३४ जिल्लाका २ सय ८३ स्थानीय निकायमा ४९ हजार २ सय ७ उम्मेदवारी परेको छ। जसमा नगरपालिका तथा गाँउपलिका प्रमुख तथा अध्यक्षमा १९ सय २५, उपप्रमुख तथा उपाध्यक्षमा १४ सय १९, वडाध्यक्षमा १० हजार ८ सय ४१ को उम्मेदवारी परेकोमा उम्मेदवारी फिर्ता गर्नेले हिजो बैशाख २१ गते फिर्ता गरेका छन् ।

वडा सदस्यमा भने १८ हजार ३ सय ७१, महिला सदस्यमा ९ हजार ३३, र दलित महिला सदस्यमा ७ हजार ४ सय ७२ को उम्मेदवारी परेको थियो । सबैभन्दा बढी काठमाडौंमा ३ हजार ५ सय ६ जनाको उम्मेदवारी परेको थियो भने सबैभन्दा कम मनाङमा २ सय ३३ जनाको उम्मेदवारी परेको थियो ।