परासी । निर्वाचनको माहोल तातीरहेको समयमा जिल्ला समन्वय समिति परासीका उपप्रमुख तथा गाउँपालिकाका अध्यक्षसहित ११ जना जनप्रतिनिधिहरु नेपाली कांग्रेसमा प्रवेश गरेका छन् । यसले नवलपरासीमा कांग्रेसलाई अझ बलियो बनाएको स्थानीय नेताहरुले बताएका छन् ।
स्थानीय तहको निर्वाचनमा जिसस उपप्रमुख अब्दुर रहमान चुरिहार र गाउँपालिकाका अध्यक्ष राधेश्याम चौधरीसहितका वडाअध्यक्ष र सदस्यहरु फोरम लोकतान्त्रिकबाट विजयी भएका थिए ।
एक कार्यक्रमका बीच नेपाली कांग्रेसका केन्द्रीय सदस्य देवेन्द्रराज कँडेल र कार्यवाहक जिल्ला अध्यक्ष अर्जुनकुमार पोखरेलले पार्टीमा प्रवेश गराएका हुन् । उनी सहित ४१ सदस्यीय जिल्ला समिति रहेको लोकतान्त्रिकका जिल्ला अध्यक्षसहित ३२ बढी जिल्ला सदस्यहरु कांग्रेसमा गएको जिल्ला सचिव गजानन्द पटेलले जानकारी दिए । फोरम लोकतान्त्रिक पार्टीका अध्यक्ष बिजय कुमार गच्छदार नेपाली कांग्रेसमा समायोजन भएको थियो ।
