काठमाडौं । अाइसिसि बल्ड डिभिजन लिग २ को अाज भएको क्यानाडासँगको खेलमा नेपालले अपत्यारिलो जित हासिल गरेको छ । नेपालका करण केसीले अन्तिम अोभरमा एक छक्का र एक रनका साथ नेपाललाई विजय गराएका हुन् । नेपालले क्यानाडालाई १ विकेटले हराएको छ ।
नेपाललाई अन्तिम अोभरमा ८ रन अावश्य थियो जुन करणले सन्दीप लामिछानेको साझेदारीमा अपत्यारिलो ढंगले पूरा गर्दै नेपाललाई विजय गराए ।
नेपाललाई क्यानाडाले ५० अोभर मा ८ विकेट गुमाउँदै १९५ रनको लक्ष्य दिएकोमा नेपालले ५० अोभरमा ९ विकेट गुमाउँदै लक्ष्य चुमेको थियो । नेपालले ० बल बाँकी रहँदा १९५ रन बनाएको थियो । अाजको खेलमा करण केसीले सर्वाधिक ४२ रन जोडेका थिए । उनले ३१ बलमा ३ चौका र ४ छक्का प्रहार गरेका थिए ।
नेपाल यस जित सँगै वल्ड कप छनौट खेलमा छनौट भएको छ ।
