काठमाडौं । गणेश लामालाई विशेष अदालतले सम्पत्ति शुद्धिकरणमा एक वर्ष कैदको फैसला गरेको छ । उनीलाई दोषी सावित गर्दै बिहीबार विशेष अदालतले उक्त फैसला गरेको हो । साथै, अदालतले १ करोड ४० करोड ५० लाख रुपयाँ जफत गर्ने आदेश पनि दिएको छ ।
बिहीबार विशेष अदालतका अध्यक्ष बाबुराम रेग्मी, न्यायाधीशहरु द्वारिकामान जोशी र रत्नबहादुर बागचन्दको इजलासले यस्तो फैसला सुनाएको हो ।
सम्पत्ति शुद्धीकरण विभागले नेपाली कांग्रेसबाट काभ्रे प्रदेशसभा क्षेत्र नम्बर–१ को ख बाट उम्मेदवार बनेका लामासँग रहेको २७ करोड एक लाख रुपैयाँको स्रोत नखुलेको भन्दै मुद्दा दायर गरेको थियो ।
सम्पत्ति शुद्धीकरण विभागले २०७० जेठ ६ गते लामासहित गुन्डानाइकेहरु परशुराम बस्नेत, अभिषेक गिरी, दीपक मनाङे र चक्रे मिलनविरुद्ध मुद्दा दायर गरेको थियो ।
लामा हातहतियार तथा खरखजानासम्बन्धी मुद्दामा अहिलेपनि डिल्लीबजार कारागारमा छन् । उनी काठमाडौंको गौशलाबाट पेस्तोलसहित पक्राउ परेका थिए ।
सम्पत्ति शुद्धीकरणमा मुद्दामा परशुराम बस्नेतले भने सफाए पाएका छन् ।
