काठमाडौं । नेपालमा पहिलो पटक महिला रेस्लिङ्ग आयोजना भएको छ । नेपाल महिला रेस्लिङ्ग फाउण्डेसनको आयोजनामा उक्त कार्यक्रम भएको थियो । कार्यक्रमको उद्घाटन पूर्व उद्योगमन्त्री तथा नेकपा सांसद महेश बस्नेतलेका गरेका थिए ।
कार्यक्रम फाउण्डेसनका अध्यक्ष भगवती खड्काले यस फाउण्डेसनले नेपालमा महिला रेस्लिङ्ग सम्बद्र्धन तथा संरक्षण गर्ने बताए । उनले आगामी दिनमा पनि विभिन्न कार्यक्रम आयोजना गर्ने पनि बताए ।
उद्घाटनसँग ४ रेस्लिङ खेलमा भएका थिए । पहिलो खेलमा भगवती खड्का युनिका, ड्रागम मुना र शोभा सुखरियाबीचको त्रिपक्षीय खेल आयोजना गरिएको थियो । पहिलो खेलमा युनिकाले हार ब्यहोरिन् । 
त्यसैगरी उत्तम विष्ट र मनोज पार्करको बीच भएको रेस्लिङ्गमा पनि उतिकै जमेका थिए । 
अस्मिता जुरेली र अस्मिता राईको भिडन्त पनि निकै चुनौतीपूर्ण र रोचक रह्यो । यी दुईबीचको खेलमा भने अस्मिता जुरेलीले अस्मिता राईलाई हराइन् । यता अन्तिम खेल अन्तर्गत बबी पीटर कुमाल र सन्जित खम्बाबीबीच भएको थियो ।
