काठमाडौं । चौथो बिमस्टेक समिट २०१८ बिहीबारबाट काठमाडौंमा शुरु भएकोछ । ६ ओटै राष्ट्रप्रमुख तथा सरकार प्रमुख काठमाडौं आइपुगेका छन् । नेपालका प्रधानमन्त्री केपी शर्मा ओली एक भव्य समारोहबीच उद्घाटन गर्ने कार्यक्रम रहेको छ । अपरान्ह ३ बजे सोल्टी होटलमा हुनेछ ।
दुई दिनसम्म चल्ने सम्मेलनमा बिम्स्टेकका सात देशका राष्ट्रप्रमुख तथा सरकार प्रमुखहरुको सहभागिता रहने छ ।
नेपाल आइपुग्नु हुने राष्ट्र तथा सरकार प्रमुखहरूले बिहीबार नै राष्ट्रपति विद्यादेबी भण्डारीसँग सामूहिक रुपमा भेट गर्नुहुने कार्यक्रम छ । राष्ट्रपति भण्डारीले उहाँहरूको स्वागतमा राष्ट्रपति कार्यालय शीतल निवासमा बिहीबार दिवाभोजको आयोजना गर्दै हुनुहुन्छ ।
सम्मेलनको औपचारिक उद्घाटन ताहाचलस्थित सोल्टी होटलमा बिहीबार दिनको ३ बजे गरिने कार्यक्रम तय गरिएको छ । बैठकमा सदस्य राष्ट्रका सरकार प्रमुखहरुले पनि सम्बोधन गर्नुहुनेछ ।
बिहीबार साँझ प्रधानमन्त्री ओली पाहुनाको स्वागतमा होटल हायातमा रात्रिभोजको आयोजना गर्नुहुने छ । त्यस अवसरमा सदस्य राष्ट्रका कलाकारहरूले साङ्गीतिक कार्यक्रम प्रस्तुत गर्नुहुने छ ।
नेपालमा रहँदा केही सदस्य राष्ट्रका सरकार प्रमुख र नेपाल सरकारबीच विभिन्न विषयमा द्विपक्षीय भेटवार्ता समेत हुने कार्यक्रम तय भएको छ ।
