जुम्ला । एक युवाले जुम्लामा सफल प्याराग्लाइडिङ उडान सफल गरेका छन् । टक्क बहादुुर नेपाललीले उक्त उडान सफलताका साथ गरेका हुन् । खलंगाबाट लाम्राको इज्जाडाँडासम्म सफल उडान गरेका थिए ।

परीक्षण उडानको करिब १५ मिनेट लाम्रा गाउँको इज्जा डाँडामा करिब दुई किलोमिटर माथिबाट आकाशमा उडाइएको थियो । दुईवटा परीक्षण उडान गरिएको लाम्रा गाउँमा प्याराग्लाइडिङकर्ता स्थानीय टक्क नेपाली र स्थानीय मनोज बुढाथोकी मगरले सयर गरेका थिए । आफैले बनाएको प्याराग्लाइडिङमा आकासमा पुगेपछि केही त्रास त भयो तर सफल अवतरण भएपछि निकै ठूलो आनन्द भएको टक्कले बताए ।

कर्णाली एरोडाइनामिक क्लब एन्ड रिसर्च सेन्टरको आयोजना, नेपाल पत्रकार महासङ्घ, जुम्ला र नेपाल पर्यटन पत्रकार सङ्घ, जुम्लाको समन्वयमा आयोजना गरिएको परीक्षण उडान तथा पत्रकार सम्मेलन कार्यक्रमका अध्यक्षसमेत रहेका टक्क नेपालीले आफूले धेरै नपढेको र सीमित स्रोतसाधन सहितको विद्यालय र सानो वर्कसपबाट सिकेको सीपले आज प्याराग्लाइडिङ बनाएर उडान गर्न सफल भएको हर्ष व्यक्त गरे ।