काठमाडौं । हराएको भनिएको अल्टिच्युड एलरलाइन्सको हेलिकोप्टर भेटिएको छ । नुवाकोटको मेघाङ गाउँपालिकाको मैलुङ भन्ने ठाउँमा भेटिएको छ । सवार मध्ये ६ जनाको मृत्यु भएको छ भने १ जनाको जीवतै उद्धार गरिएको छ ।
रामेछापका ४० वर्षीय दिल्ली बहादुर गुरुङ, दोलखाका ३७ वर्षीय हिरा शेर्पा, गोर्खाको सामागाउँ चुमनुब्री सम्दो १ का छोवाङ नुर्बु, सिन्धुपाल्चोकका २२ वर्षीय सुनिल तामाङ, पाइलट निश्चल केसी र जापानी नागरिक हिरोमी कोमात्सु मृत अवस्थामा भेटिएका प्रहरीले जनाएको छ।
गोर्खाको चुमनुब्री गाउँपालिका २ का ल्हो आनी डोल्मा डिकी घाइते भएकी छिन्। उनलाई हेलिकोप्टरबाट मेडीसिटी अस्पताल ल्याइएको छ र त्यहा उपचार भइरहेको छ ।
