काठमाडौं । राष्ट्रिय सभाका अध्यक्ष गणेशप्रसाद तिमिल्सिनाले नेपालको संविधानले धर्म नमान्ने अधिकार ग्यारेष्टि गरेको बताए । उनले सबैले आ आफ्ना धर्म मान्न राज्यले कसैलाई पनि नरोकेको बताए । धर्म नमान्न पनि पाउने अधिकार पनि रहेको जनाए ।
राष्ट्रिय ख्रीष्टियन महासंघ नेपालको ११ औं राष्ट्रिय भेलाको उद्घाटन गर्दै भने, एक धर्मले अर्को धर्मलाई हेला गर्नु नहुने बताए । उनले हिन्दु धर्मतिर इंगित गर्दै भने बहुमतलेले अल्पसंख्यकका धर्म समुदायलाई हेला गरेको आशय व्यक्त गरे । अल्पसंख्यक धार्मिक समुदायको सुरक्षा राज्यले गर्ने उनले जानकारी समेत दिए ।
राष्ट्रिय मानवअधिकार आयोगका प्रवक्ता मोहना अन्सारीले नेपालको संविधानले विभेद्रहित तथा न्यायपूर्ण समाजको परिकल्पना गरेको बताउँदै जुनसुकै धर्म मान्ने व्यक्तिले आप्mनो धर्मग्रन्थ पढ्न पाउनुपर्छ र आप्mना बालबच्चालाई पढाउन पाउनु पर्छ ।
राष्ट्रिय ख्रीष्टियन महासङ्घ नेपालका अध्यक्ष सिबी गहतराजले धर्मप्रति आस्था राख्ने कुनै पनि व्यक्तिले धर्म अवलम्बन गर्न र आस्था प्रकट गर्न पाउने संविधानमा प्रष्ट व्यवस्था रहेको बताउँदै ‘बाइबल’ पढ्ने व्यक्तिलाई धर्म परिवर्तन ग¥यो भनी लाञ्छना लगाउनु गलत भएको बताए । नेपालमा हाल ३० लाख ख्र्रीष्टियन रहेको र १२ हजार चर्च रहेको बताइएको छ
