काठमाडौं । नेपाल कम्युनिष्ट पार्टी (नेकपा) को स्थायी कमिटिको बैठकमा नेतृत्वको चर्को आलोचना भएको छ । अध्यक्षद्वयको कार्यशैली निरंकुशता तथा मनलाग्दी रहेको भन्दै अधिकांश केन्द्रीय नेताहरुले आलोचना गरेका छन् ।
नेतृत्वको तथा नीतिको आलोचना गर्दै स्थायी समिति सदस्य योगश भट्टराईले सरकारले दिगम्बर झालाई नियुक्ति गरेर गल्ति गरेको जनाएका छन् । विवादस्पद छबि भएको झालाई नियुक्ति गरेर सरकारले भ्रष्टाचार कम गर्ने प्रतिबद्धतामाथि नै गम्भिर प्रश्न उठेको जनाए ।
उनले बैठकमा दिगम्बर झाजस्तालाई नियुक्ति दिने कार्य सही भए के हामीले विगतमा अख्तियार प्रमुख लोकमानसिंह कार्की बिरुद्ध लगाएको महाअभियोग गल्ति थियो त ? भनेर अध्यक्षलाई प्रतिप्रश्न गरेको श्रोतले जनाएको छ । उनले भ्रष्टाचार कम गर्ने तथा नियन्त्रण गर्न सरकार चुकेको समेत आरोप लगाएका थिए ।
उनले पार्टी अध्यक्षद्वय पेश गरेको प्रतिवेदन औचित्यहीन भएको जनाए । वैचारिक भन्दा पनि मनोगत बढी भएकाले प्रतिवेदन पुर्नलेखनको माग समेत गरे । उनले पार्टी एकिकरण भएपछि वैचारिक विचलन आएको समेत आरोप लगाए ।
पार्टी एकिकरण हुनुभन्दा पहिले भएको सहमति विपरित अध्यक्षले मनलाग्दी निर्णय तथा संरचना खडा गरेको समेत आरोप लगाए ।
अर्का स्थायी सदस्य भीम रावलले पनि लिखित रुपमा असहमतिपत्र पेश गरेका थिए । उनले आफ्नो लिखित पत्रमा पार्टी अभ्ध्यक्षले आफू अनुकुल चलाएको आरोप लगाएका छन् । एकिकरण हुँदा सचिवालयको कुनै व्यवस्था नभएपनि पछि सचिवालय गठन गरी निर्णय गर्ने गरेको भन्दै निर्णय सच्चाउन माग गरेका थिए ।
अध्यक्षद्वयको आलोचना बामदेव गौतम, धनश्याम भुषाल तथा अन्य अधिकांश सदस्यले गरेका छन् ।
File Photo
