कैलाली । सुदूरपश्चिम प्रदेशका सभामुख अर्जुन बहादुर थापाका छोरा देवेन्द्र थापाले प्रदेशसभाको गाडीको दुरुपयोग गरेको भन्ने समाचारलाई लिएर स्पष्टिकरण सोधिएको छ । २ हप्ता अघि विभिन्न संचार माध्यममा गाडी दुरुपयोग गरेको समाचार आएपछि उनलाई स्पष्टि सोधिएको जनाइएको छ ।
देवेन्द्र थापा सुदूरपश्चिम प्रदेश कार्यालयमा अनुसन्धान अधिकृत (डिएसपी) पदमा कार्यरत छन् । उनी सभामुख थापाका छोरा समेत हुन् ।
राष्ट्रिय अनुसन्धान विभागको निर्देशनपछि प्रदेश कार्यालयले थापालाई प्रदेशसभाको गाडी प्रयोग गरेको विषयमा स्पष्टीकरण माग गरेको हो। राष्ट्रिय अनुसन्धान विभाग सुदूरपश्चिमका प्रमुख तथा अनुसन्धान निर्देशक प्रकाशराज पाण्डेले थापालाई प्रदेशसभाको गाडी प्रयोगको बारेमा सोधिएको जानकारी दिए । उनले भने थापाले शुक्रबार सम्म स्पष्टीकरण पेश नगरेको पनि अनुसन्धान निर्देशक पाण्डेले जानकारी दिए।
थापाले सभामुखको निर्देशन भन्दै प्रदेशसभाका कर्मचारीलाई हप्काउदै बा १ झ ९१७७ नम्बरको स्कारपियो गाडी प्रयोग गर्दै आएको भन्ने समाचार बाहिर आएको थियो । उनले प्रयोग गर्दै आएको गाडी यसअघि उप–सभामुख निर्मला जोशी बडालले चढ्दै आएकी थिईन्।
Photo: Dineshkhabar.com
