राष्ट्रपति विद्यादेवी भण्डारीले प्रदेश २ सरकारले सुरु गरेको ‘बेटी पढाऔं, बेटी बचाऔं’ अभियानको प्रशंसा गरेकी छन् ।
राष्ट्रपति भण्डारीले सीता नवमीको अवसरमा जानकी मन्दिर प्राङ्णमा आयोजना गरेको कार्यक्रममा उनले यो अभियान सही ढँगले अगाडि बढिरहेको भन्दै प्रशंसा गरीन् ।
उनले कतिपय सामाजिक विकृति र विसंगति विद्यमान रहेको भन्दैे चिन्ता व्यक्त गर्दै यसको अन्त्यका लागि सबै कृयाशील व्यक्ति अगाडि आउनु जरुरी रहेको बताईन् ।
राष्ट्रपति भण्डारीले चुरे क्षेत्रको वातावरण संरक्षणमा ध्यान दिई पर्यावरण सन्तुलन कायम र स्थानीय श्रोत र साधनको भरपूर उपयोग गरेर आर्थिक समृद्विमा लाग्न सबैसँग आग्रह गरीन् ।
त्यसअघि राष्ट्रपतिले जानकी मन्दिरमा विशेष पूजाअर्चना गरीकी थिईन् ।
