सरकारले सार्वजनिक यातायातको भाडा १२ प्रतिशतले बढाएको छ । असार १ गतेदेखि लागू हुनेगरी सार्वजनिक यातायातका सवारी–साधनको हाल कायम भाडामा १२ प्रतिशतसम्म वृद्धि गरिएको यातायात व्यवस्था विभागले जनाएको छ ।

प्राविधिक समितिको सिफारिसमा भाडा वृद्धिको निर्णय गरेको विभागले जनाएको छ ।

यस्तै, विभागले असार १ गतेदेखि नै काठमाडौं उपत्यकामा दिउँसोको समयमा कुनैपनि ढुवानीका साधन चल्न नदिने निर्णय पनि गरेको छ । बिहान ७ देखि साँझ ७ बजेसम्म ढुवानी तथा डेलिभरीका साधनहरु चल्न नदिइने विभागले जनाएको छ ।