सिन्धुपाल्चोकमा बस दुर्घटना हुदाँ कम्तिमा ६ जनाको मृत्यु भएको छ ।
सिन्धुपाल्चोकको इन्द्रावती गाउँपालिका–१० मा यात्रुवाहक बस दुर्घटना हुदाँ कम्तिमा ६ जनाका मृत्यु भएको हो ।
दुर्घटना परि ४० भन्दा बढी घाइते भएको जिल्ला प्रहरी कार्यलय सिन्धुपाल्चोकले जनाएको छ । भोटसिपाबाट काठमाडौं आउँदै गरेको हेलम्बु यातायातको बा २ ख १७२५ नम्बरको बस भोटसिपाको तिखु मोडमा दुर्घटनामा परेको स्थानीयले बताएका छन् ।
बसमा ७० जनाभन्दा बढी यात्रु रहेको प्रहरीको अनुमान छ । घटनास्थलमा प्रहरी पुगिसकेको र उद्धार कार्य जारी रहेको जिल्ला प्रहरी कार्यालय सिन्धुपाल्चोकले जनाएको छ ।
गम्भीर घाइतेलाई हेलिकप्टरबाट उद्धार गर्ने तयारी भइरहेको सिन्धुपाल्चोकका प्रहरी प्रमुख एसपी प्रज्वल महर्जनले जानकारी दिए । बस सडकबाट दुई सय मिटर तल खसेको छ । दुर्घटनाको थप विवरण आउन बाँकी छ ।
