गैरआवसीय नेपाली संघ एनआरएनएको नवौँ विश्व सम्मेलन तथा अन्तर्राष्ट्रिय सम्मेलन काठमाडौंमा आजदेखि सुरु भएको छ।
तीन दिनसम्म चल्ने सम्मेलनको होटल ह्यातमा एक विशेष कार्यक्रमकाबिच उक्त सम्मेलनको उद्घाटन गर्दै राष्ट्रपति भण्डारीले नेपालीका लागि गर्व हुने गरी एनआरएनएले सहयोग पुर्याएको भन्दै आयोजक संस्थालाई धन्यवाद दिएकी छन्।
उनले नेपालको विकास र समृद्धि स्थापित गर्ने उद्देश्यका साथ सञ्चालनमा आएको यो संस्थाले विगत डेढ दशकमा अनेक भूमिका महत्वपूर्ण भएको बताइन्। देशभक्ति र मायालाई भौगोलिक सीमाले कहिल्यै नरोक्ने र त्यसलाई झन बलियो बनाउने उनको धारणा थियो ।
एनआरएनले साझा धारणको विकासको अवधारणा अघि बढाएको र संसाभर छरिएर रहेका नेपालीलाई एकै ठाउँमा ल्याउन र उनीहरुका दुस्खलाई समाधमन गर्न भूमिका खेलेको उनको भनाई थियो ।
नेपालको विकासमा गैरआवासीय नेपालीले नेपालमा रहेका नेपालीसँग सहकार्य र हातेमालो गर्नु पर्ने आवश्यकता रहेको उनको भनाई छ ।
नेपाली समाज जातिय, भाषिक र एकताको अनुपम परम्पराको गाथा भएको र त्यसको संरक्षण गर्नु पर्ने सबै नेपालीको कर्तव्य भएको र त्यसमा ध्यान दिन आग्रह उनले गरिन्।
सुख दुःखलाई आत्मसाथ गर्ने नेपालीको विशेषता भएको उनको भनाई थियो र सरकारले घोषणा गरेको पर्यटन वर्ष २०२०लाई सफल बनाउन गैरआवासीय नेपालीको महत्वपूर्ण योगदान हुने अपेक्षा आफ्नो भएको भण्डारीले बताइन् ।
सम्मेलनमा विभिन्न सत्रहरु सञ्चालन हुनेछन् भने संघको नयाँ नेतृत्व पनि चयन हुनेछ ।
म, मेरो एनआरएनए र मेरो नेपाल मूल नारासहित आयोजित सम्मेलन संघको महाधिवेशन पनि हो । सम्मेलन नेपाल सरकार, नेपाल उद्योग वाणिज्य महासंघ तथा गैरआवासीय नेपाली संघको संयुक्त आयोजनामा सुरू भएको हो । सम्मेलनको समापन प्रधानमन्त्री केपी शर्मा ओलीले गर्ने कार्यक्रम रहेको छ ।
सम्मेलनमा ८१ मुलुकका गैरआवासीय नेपाली प्रतिनिधिहरु, स्वेदशी, विदेशी गरी २ हजार ५ सयको सहभागिता छ ।
