काठमाडौं । नेपाली सेनाले विस २०८१ वैशाखसम्म फास्ट ट्रयाक निर्माण सम्पन्न गर्ने गरी कार्ययोजना बनाएको छ । सेनाले सोमबार पत्रकार सम्मेलन गरी त्यसका लागि समय तोकेरै फास्ट ट्रयाक निर्माणको कामको तालिका सार्वजनिक गरेको हो ।

जटिल मानिएको ठूला पुल निर्माणको कामलाई २०७७ पुसमा सुरू गरेर २०८० को मंसिरमा सम्पन्न गर्ने सेनाले जनाएको छ । त्यहाँ त्यस्ता पुल १६ वटा हुनेछन् । साना ठूला अन्य पुलहरू २०७७ को भदौमा सुरू गरेर २०८० को पुसमा सक्ने सेनाको लक्ष्य छ।

यस्ता पुलहरू ७१ वटा छन् । जटिल मानिएको ठूला पुल निर्माणको कामलाई २०७७ पुसमा सुरू गरेर २०८० को मंसिरमा सम्पन्न गर्ने सेनाले जनाएको छ । फास्ट ट्रयाकमा तीन ठाउँमा सुरूङ हुनेछ । सुरूङको लम्बाई ६.४ किलोमिटर रहनेछ । सुरूङको काम सकिएलगत्तै फास्ट ट्रयाक निर्माणको काम पनि सकिने सेनाले जनाएको छ ।