काठमाडौं । उपप्रधान तथा रक्षामन्त्री ईश्वर पोखरेलले भ्रष्टाचार गर्ने जुनसुकै ओहोदाको व्यक्ति भएपनि छुट नदिने प्रतिवद्धता जनाएका छन् । भ्रष्टाचारविरुद्धको अन्तर्राष्ट्रिय दिवसका अवसरमा सोमबार काठमाडौंमा आयोजित कार्यक्रममा पोखरलेले ठूला माछा र साना माछाको प्रसंग चल्ने गरेको भन्दै भ्रष्टाचारमा संलग्न जुनसुकै व्यक्तिले पनि छुट नपाउने बताएका हुन् ।
‘भ्रष्टाचारका सवालमा ठूला माछा र साना माछाको प्रसंग चल्छ । जुनसुकै पद र ओहोदामा बसेको व्यक्ति भएपनि भ्रष्टाचारमा संलग्न भए कोही पात्र पनि छुट पाउने छैन । छुट दिइने छैन् । यो प्रतिवद्धता हो’, उनले भने ।
उनले राजनीतिको संरक्षणमा त्यस्ता कर्महरु हुन्छन् भने तिनीहरुले छुट नपाउने कुरामा विश्वस्त हुन आग्रह समेत गरे । भ्रष्टाचार नियन्त्रणका लागि सार्वजनिक पदमा रहेका व्यक्तिहरुले आफू पनि भ्रष्टाचार नगर्ने र अरुलाई पनि गर्न नदिने संकल्पलाई व्यवहारमा रुपान्तरण गरेमात्रै दिवस मनाउनुले सार्थकता पाउने पोखरेलले बताए ।
