चर्चित र्यापर मिस्टर आर जे अर्थात् राजेन्द्र भट्टको नयाँ गीत बजारमा आएको छ । राजेन्द्र भट्ट, आर्जन पाण्डे र विद्या तिवारीको स्वरमा डलर बोलको गीतको भिडियो सोमबार युट्युबमा सार्वजनिक गरिएको हो । गीतमा नवराज कलौनीको शब्द र राजेन्द्र भट्टको संगीत रहेको छ ।
गीतको भिडियोमा कार्टुन क्रुजका सरोज अधिकारी, आश्मा विश्वकर्मा, आर्जन पाण्डे र नायिका बर्षा राउतको अभिनय रहेको छ । भिडियोमा सरोजको जोडी आश्मा र आर्जनको जोडी बर्षा बनेर अभिनय गरेका छन् । यो गीत युट्युबमा सार्वजनिक भए लगत्तै दर्शकले रुचाएका छन् । भिडियोलाई गम्भिर विष्ट निर्देशन गरेका छन् भने नवराज उप्रेतीले खिचेका छन् । भिडियोमा इन्टेन्स्ड इल्डको सम्पादन रहेको छ ।
