काठमाडौं । नेपाली कांग्रेसका सभापति शेरबहादुर देउवाले नवनिर्वाचित सभामुख अग्नि सापकोटाको सफल कार्यकालको शुभकामना दिदै प्रतिपक्षी दलले सभामुखलाई सहयोग गर्ने प्रतिवद्धता जनाएका छन् ।

प्रतिनिधिसभाको मंगलबारको बैठकलाई सम्बोधन गर्दै सभापति देउवाले प्रतिपक्षी दललाई विश्वासमा लिएर अघि बढ्न सभामुखलाई आग्रह गरे । उनले सभामुख तटस्थ पद भएकाले त्यसै अनुरुपको भूमिका निर्वाह गरे ।

उनले भने, विपक्षीलाई विश्वासमा लिएर काम गर्न जति सजिलो हुन्छ, त्यसैले तपाईंको सफलता त्यसैमा भरपर्छ।’ उनले लोकतन्त्र विरोधी विधेयकहरु संसदबाट हटाउन सभामुखको ध्यानाकर्षण गराए । उनले भने, ‘अहिले प्रधानमन्त्रीले लोकतन्त्रका ठूला कुरा गर्नुभयो । लोकतन्त्र विरोधी विधेयकहरु हटाउनुपर्यो ।’

प्रधानमन्त्रीले आफ्नो सम्बोधनका क्रममा प्राकृतिक धक्काका बारेमा बोलेको कुरा आफूले नबुझेको बताए । प्रधानमन्त्रीले प्रश्न गरे, ‘प्रधानमन्त्रीले धक्काको कुरा गर्नुभएको छ । के धक्का हो यो र कहाँबाट आउने हो धक्का । कसले धक्का दिने भनेको हो, त्यसो स्पष्ट होस् ।’
सभापति देउवाले अमेरिकी सरकारको सहयोग एमसीसी अनुमोदन गर्नुपर्ने बताए । उनले अमेरिका, चीनले आपत्ति छैन भनेर बोलिसकेकाले यसलाई पारित गर्नुपर्ने बताए ।